Des verflixte Kofferschloß - schwäbische Mundartgedichte
von Rolf Gerlach
Des verflixte Kofferschloß – schwäbisches Gedicht von Rolf Gerlach
Ein Gedicht über's Köfferle des selber denkt.
Des verflixte Kofferschloß
Zum Geburtstag kirag i gschenkt
a Köfferle, des selber dent.
Links ond rechts, dô kôsch du dreha
ond sechs verschiedene Zahla seha.
Nadierlich, 's liegt jô bloß am Wella,
kôsch sechs gleiche du eistella.
I programmier des Zahlaschloß,
wie merk i mir dia Zahla bloß?
Bevor i dia Zahla uffschreiba k^0,
gôht mei Weible an des Köfferle nô.
Sie denkt sich nix, dreht an de Zahla,
ond fabriziert mit Höllaquala.
Des Köfferle isch feschd verschlossa,
ond als wär's mir grad zum Bossa,
han i dia Zahla nemme gwißt,
vor Wuat faschd en mei Hos neipißt.
I han mei Köfferle jetzt gnomma
ond ben nô zu ra Lösung komma.
Zwôr het i den Koffer au wegschmeißa könne,
doch 's warte scho wichtige Sächla drenna.
...ob und wie der Koffer wieder aufging, können Sie in meinem Buch "Des kommt drvo!" auf Seite 5 nachlesen.